Главная страница » Новости » Новости Республики » За незаконнае паляванне — крымінальная справа

За незаконнае паляванне — крымінальная справа ↓

Сб, 2007-08-31 9:36 | Пользователь

Работнікамі Быхаўскай прыродаахоўнай міжрайінспекцыі сумесна з супрацоўнікамі Быхаўскага РАУС паблізу вёскі Гадылёва былі затрыманы чатыры чалавекі, якія без дазвольных дакументаў у забароненыя для палявання тэрміны здабылі лася і чатырох зайцаў.

Канфіскаванае мяса лася вагой 160 кілаграмаў і зайцаў вагой 13 кілаграмаў перададзена ў зверагаспадарку. Паколькі прыродным рэсурсам быў нанесены ўрон у асабліва буйным памеры (135 базавых велічынь), на месца выклікалася следча-аператыўная група мясцовага РАУС. Супрацоўнікі міліцыі канфіскавалі фару з правадамі, тры зарэгістраваныя і адно незарэгістраванае паляўнічыя ружжы, бое-прыпасы да іх. Легкавы аўтамабіль ВАЗ-2121, які належаў аднаму з затрыманых, дастаўлены ў райаддзел міліцыі. У дачыненні да чацвёркі разглядаецца пытанне аб узбуджэнні крымінальнай справы.

Крыху раней работнікамі ўжо Касцюковіцкай міжрайінспекцыі сумесна з супрацоўнікамі Краснапольскай раённай арганізацыі РДГА "БТПР" каля вёскі Казелле Краснапольскага раёна быў затрыманы ляснік Новаяльнянскага лясніцтва ДЛГУ "Краснапольскі лясгас". Апошні сумесна з непаўналетнім жыхаром Украіны незаконна паляваў забароненым спосабам (з выкарыстаннем транспартнага сродку з уключаным рухавіком), з незарэгістраваным ружжом, без дакументаў на права палявання. Пры затрыманні спрабаваў уцячы. Зараз разглядаецца пытанне аб узбуджэнні крымінальнай справы.

Сяргей РАСОЛЬКА